How to make Career in Agriculture || Agriculture me Career kaise banaye

How to make Career in Agriculture || Agriculture me Career kaise banaye

Dosto aaj ke iss content me hum log janne wale hai Agriculture course ke bare me. Aaj ke samay me ye sabse zyada demand wala course ban gya hai. Aisa is liye kiyuki jo student is course ko complete kar lete hai unke liye job ke darwaje khul jate hai. Pehle is course ka demand zyada nahi tha, kiyuki job kam the. Recently kai company India me dastak de chuke hai, aur ye student ke liye achhi job provide kar rahi hai. Agar ap private job karna nahi chahte hai, toh apke liye government job bhi hai. Government ki taraf se samay samay par vacancy nikalti rehti hai. Chaliye is par agey details se charcha karunga.

Toh dosto sabse pehle hum log samajh lete hai ki is article me agey me kin kin points pe charcha karunga. Sabse pehle-

1. Agriculture course kya hai?

2. Agriculture University me admission kaise milegi?

3. Kis stream ke student ye course kar sakte hai?

4. Agriculture me kitne tarah ke course hote hai?

5. Under graduate me kaun kaunse course hote hai?

6. Post graduation me kaun kaunse course hote hai?

7. Sarkari vacancy kis department pe nikalti hai?

8. Private naukri ke liye kaha apply kar sakte hai?

9. Course ke baad khudka business kaise suru kar sakte hai

Toh dosto jinka interest is field me hai wohi is course ko kare, toh unke career ke liye  behtar hoga. Is course ko karne ke baad 3tarakhe career options khul jate hai -
• Pehla government job

• Dusra Private job

• Aur tisra khudka business

Ye apko decide karna hoga ki apko in tino(3) me se karna kya hai. Toh chaliye age badhte hai aur pointwise agriculture ke bare me samajh lete hai.

1. Agriculture course kya hai: Dosto abhi ke samay me agriculture ka trend lagatar change ho raha hai. Agriculture ko badava dekhkar fasal ke paidawar kaise baraya jaye is par humesha research hota rehta hai. Aur is khetro ko aur bhi barane ke liye companiya graduate aur post graduate logoki bharti karti hai. Kai college me agriculture ka course karaya jata hai, jis college ka reputation is course ke liye badiya hai ap wohi admission lena. Taki padhai me kami na reh jaye.

Is khetro me jane ke liye apko agriculture ka knowledge hona behat important hai. Taki interview me ap iske bare me jabab de sake.

2. Agriculture University me admission kaise milegi: Dosto agriculture ka course 2tarah se kiya ja sakta hai - 

• Pehla private college me admission lekar
• Aur dusra All India test dekar

Private college ke bare me age bataunga-Dosto top agriculture college me admission lene ke liye all India test dena hota hai. Jise ICAR kehte hai. ICAR ka full form hota hai Indian Council of Agricultural Research. Dosto is exam ko qualify karna hoga tab jakar apko admission milegi. Agar apne 12th ki exam pass kar liya hai toh app is exam ke liye form apply kar sakte hai. Graduate college me admission lene ke liye kai subject hai jise ap course complete kar sakte hai. Jaise Agriculture, Horticulture, Fisheries, Sericulture, Biotechnology, Agricultural Engineering, Dairy technology, Food technology etc.

3. Kis stream ke student ye course kar sakte hai: Dosto agriculture ke khetro me career banane ke liye apka 12th complete hona jaruri hai. 12th me biology ya mathematics hona chahiye. Dekhiye agriculture me bohot sare subject hote hai, unme biology important hota hai. Mathematics walo ke liye bhi agriculture me career option hai lekin biology ke tulna me kam hai.

4. Agriculture me kitne tarah ki course hote hai: Dosto ab jante hai sabse important point, agriculture me kitne tarah ke course hote hai. Dosto agriculture me kai tarah ki course hote hai. Diploma Course, Under Graduate Course, Post Graduate Course aur  Doctoral Course. Itne tarah ke course hote hai.

5. Under Graduate me kaun kaun se course hote hai: Dosto undergraduate Matlab honours me admission lene ke liye apko physics, chemistry, biology ya mathematics se 12th pass hona jaruri hai. Minimum 50% marks honi chaiye, kuch college isse kam par aur kuch zyada matlab 60% above per bhi admission dete hai. Kai tarakhe course hote hai jaise-B.sc agriculture, dosto agriculture se graduation karne ke liye ye best course hai. Isme admission ap kahi bhi le sakte hai. Matlab kisi bhi state me. Ye ek undergraduate course hai jo ki 3saal ka hota hai. Is course me apko krisi se sambandhit sabhi bato ko padaya jata hai.

Next hai B.Tech in Agriculture Engineering. Dosto agriculture se ap engineering bhi kar sakte hai. Lekin ye course 4 saal ka hota hai. Next hai BBA Agriculture, matlab Bachelor of Business Administration in Agriculture. Dosto bohot sare student is course ko karte hai. Kiyuki is me multinational company me job mil jati hai. Salary ke lehaj se ye behtareen course hai jo ki 3 saal ka hote hai.

Next hai B.Ed Agriculture. Dosto is course ko karne ke baad ap sarkari school me krisi ke teacher ban sakte hai aur achhi salary bhi pa sakte hai. Sarkar ki taraf se samay samay par teacher ke liye vacancy nikalti rehti hai. Dosto undergraduate student ke liye aur bhi kai course hai lekin jo main course hai maine apko bata diya hai.

6. Post Graduation me kaun kaun se course hote hai: Post graduation me kai course hai jaise bachelor degree complete karne ke baad ap isi course me admission le sakte hai, jaise M.Sc in Agriculture, agriculture se B.Sc karne ke baad ap agriculture se M.Sc bhi kar sakte hai. Ye ek master degree hai. Ise karne ke baad apke liye bohot se career ke raste khul jate hai. Jinme aap high level ki job pa sakte hai. Ise karne se sarkari aur private kisi bhi sector me jane ka mauka milta hai. Ye course 2saal ka hota hai. Krisi me apna PG degree karne ke baad ap ek Supervisor, Researcher aur Engineer ke roop me kam kar sakte hai.

7. Sarkari vacancy kis department pe nikalti hai: Kuch student pehle se decide kar chuke hote hai ke unhe private job ya khud ka business hi karna hai. Wohi kuch student kisko sarkari job pana hota hai, aise student jo sarkari job pana chahte hai koi bank me ja sakte hai, next hai aap agriculture se phd karne ke baad professor ban sakte hai, uske baad research center me bhi naukri pa sakte hai. Iske liye bhi samay samay par vacancy nikalti hai. Dosto aur bhi kai khetra hai jaha ap sarkari job pa sakte hai.

8. Private naukri ke liye kaha apply kar sakte hai: Dosto sarkari job se zyada career option private job me hai. Jaise beej company, agriculture course karne ke baad ap beej company me bhi job pa sakte hai. Beej company me bohot se post hote hai. Wohi multinational company me bhi agriculture course karne ke baad job mil jati hai. Sugar meal me job mil sakti hai, Agriculture insurance company me job pa sakte hai, kisi company me agriculture marketing ka bhi job pa sakte hai. Iske alava aur bhi kai private naukri hai jaha job paye ja sakte hai.

9. Course ke baad khudka business kaise suru kar sakte hai: Is field me khudka business start karne ke kai khetro upolabdh hai, jab ap agriculture ke padhai puri kar lenge tab aapko samajh aajayegi ki apko business kis khetro me karna hai. Jaise ap krisi ke material ko utpadan kar sakte hai, kisi udyog suru kar sakte hai.
Toh dosto is article se apne agriculture se sambandhit kai baton ko jana aur samjha. Umeed hai apke mann me jo sawal chal rahe honge wo solve hogaye honge.